မြန်မာ့အရေးနှင့်ပတ်သက်၍ နိုင်ငံတကာ၏ တူညီဆန္ဒများထဲတွင် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများအားလုံး ပြန်လွှတ်ပြီး အားလုံးပါဝင်သော တွေ့ဆုံဆွေးနွေးမှုများ ပြုလုပ်ရေးတိုက်တွန်းချက်လည်း ပါဝင်သည်။ စစ်ကော်မရှင်၏ ယခု လွတ်ငြိမ်းသက်သာခွင့်တွင် အရေးပါသော နိုင်ငံရေးခေါင်းဆောင်များ ပါဝင်လာခြင်းမရှိသေးသဖြင့် နိုင်ငံရေးအကျဉ်းသားများ ပြန်လွှတ်ရေးနှင့်ပတ်သက်၍ နိုင်ငံတကာ၏ဖိအားများ ဆက်ရှိနေနိုင်ပါသည်။