မြန်မာ-တရုတ် နယ်စပ်ကုန်သွယ်ရေးလမ်းကြောင်း၊ နယ်စပ်ဂိတ်များနှင့် စီးပွားရေးဗဟိုချက်မြို့များကို MNDAA က အများဆုံး ထိန်းချုပ်ထားသည်။ ရှမ်းပြည်နယ်မြောက်ပိုင်းရှိ  မြန်မာ-တရုတ် နယ်စပ်တကြောကို MNDAA နှင့် UWSA တို့က ညှိနှိုင်းမျှဝေထိန်းချုပ်ထားသည်။

ကရင်ပြည်နယ်ရှိ မြန်မာ-ထိုင်း နယ်စပ်ကုန်သွယ်ရေးအတွက် အရေးပါသောနေရာများကို KNA က ထိန်းချုပ်ထားသည်။ အစားထိုးကုန်သွယ်ရေးလမ်းကြောင်းများဖြစ်သည့် ထို့ကော်ကိုးလမ်း၊ ကြက်ဥတောင်လမ်းနှင့် ၁၀၁၈ လမ်းများကိုမူ အခြားကရင်လက်နက်ကိုင်တပ်ဖွဲ့များနှင့်အတူ KNA က မျှဝေထိန်းချုပ်ထားသည်။

မြန်မာ-ထိုင်းနယ်စပ်တွင် ဒုက္ခသည်စခန်းပေါင်း ကိုးခုရှိပြီး ခြောက်ခုမှာ ကရင်ပြည်နယ်နှင့် ထိစပ်နေသည့် နယ်စပ်မျဥ်းတလျှောက်တွင် ရှိသည်။

စစ်အာဏာသိမ်းပြီး ငါးနှစ်ကျော်ကာလအတွင်း မြန်မာ-ထိုင်းနယ်စပ် နယ်နိမိတ်အရှည် ၂,၄၁၆ ကီလိုမီတာရှိသည့်အနက် ကီလိုမီတာ ၈၉၀ ကျော် (၃၇ ရာခိုင်နှုန်း) ကို KNU/KNLA က ထိန်းချုပ်ထားသည်။

ရွှေ့ပြောင်းသွားသည့် ကျားဖြန့်လုပ်ငန်းများကို မြဝတီနှင့် ကြာအင်းဆိပ်ကြီးမြို့နယ်များရှိ KNA နှင့် DKBA ထိန်းချုပ်နယ်မြေများအတွင်း တွေ့ရှိရသည်။

၂၀၂၄ နှင့် ၂၀၂၅ ခုနှစ်များတွင် စစ်ကော်မရှင်နှင့် KNU တို့သည် ကရင်ပြည်နယ်ရှိ အဓိကကုန်သွယ်ရေးလမ်းကြောင်းများကို ထိန်းချုပ်နိုင်ရန် အပြန်အလှန် တိုက်ခိုက်ခဲ့ကြသည်။

စစ်ကော်မရှင်သည် အမှတ် (၁) အာရှလမ်းမကြီးကို KNU/KNLA ထံက ၂၀၂၅ ခုနှစ် စက်တင်ဘာလတွင် ပြန်လည်သိမ်းပိုက်ခဲ့သည်။ စစ်ကော်မရှင်သည် ကရင်ပြည်နယ်ရှိ အခြားပင်မကုန်သွယ်ရေးလမ်းကြောင်းများကိုလည်း အခြားကရင်လက်နက်ကိုင်အဖွဲ့များနှင့်အတူ ထိန်းချုပ်ထားသည်။