တရုတ်နိုင်ငံကို မြေရှားတင်သွင်းတဲ့နိုင်ငံတွေထဲ မြန်မာနိုင်ငံက ထိပ်တန်းစာရင်းမှာ ဆက်ပြီး ရပ်တည်နေပါတယ်။ တရုတ်နိုင်ငံကို နိုင်ငံတကာကနေ တင်သွင်းတဲ့ မြေရှားသတ္တုတွေထဲက တဝက်ကျော်ဟာ မြန်မာနိုင်ငံက ဖြစ်ပါတယ်။
မြန်မာနဲ့ တရုတ် နှစ်နိုင်ငံအကြား ကုန်သွယ်မှုတန်ဖိုးဖော်ပြချက် ကွာဟမှုဟာ ဘဏ္ဍာနှစ် ရှစ်နှစ်အတွင်း အမေရိကန်ဒေါ်လာ ၆၃ ဘီလီယံကျော်အထိ ရှိပါတယ်။ ဒါက တနိုင်ငံချင်းစီက ထုတ်ပြန်တဲ့ ကုန်သွယ်မှု စုစုပေါင်းတန်ဖိုးတွေကို နှိုင်းယှဉ်ကြည့်ရာကနေ ပေါ်ထွက်လာတဲ့ ကိန်းဂဏန်း ဖြစ်ပါတယ်။ ဒီအထဲက ၄၅ ဘီလီယံကျော်ကကတော့ ၂၀၂၁ ခုနှစ် စစ်အာဏာသိမ်းပြီးနောက်ပိုင်း ပမာဏပါ။ ဒီလိုကွာဟနေတာဟာ အာဏာသိမ်းမှုအလွန် တရုတ်နိုင်ငံကို မြေရှားသတ္တုတင်ပို့မှုတွေ မြင့်တက်လာတာ၊ လက်နက်ကိုင်အဖွဲ့တွေရဲ့ နယ်စပ်ထိန်းချုပ်မှု ကျယ်ပြန့်လာတာ၊ တရားမဝင် စီးပွားရေးကြီးထွားလာတာ ဒါတွေနဲ့လည်း ဆက်စပ်နေနိုင်ပါတယ်။
သုတေသနပြု လေ့လာမှုတွေအရ ပြီးခဲ့တဲ့နှစ်နဲ့ယှဉ်ရင် တိုက်ပွဲတွေ သုံးပုံတပုံလောက် လျော့လာတာကို တွေ့ရပါတယ်။ အလားတူပဲ လေကြောင်းတိုက်ခိုက်မှုတွေ၊ အရပ်သားသေဆုံးမှုတွေလည်း လျော့လာပါတယ်။ ဒါပေမဲ့ စစ်ဘေးရှောင်တွေ ဆက်ရှိနေတုန်းပါပဲ။ အခုနှစ်ထဲမှာကိုပဲ စစ်ဘေးရှောင် ခုနစ်သိန်းနီးပါး တိုးလာခဲ့ပါတယ်။ တရုတ်ရဲ့ ကြားဝင်စေ့စပ်မှုတွေကြောင့် တိုက်ပွဲတွေ ဆက်ပြီးလျော့မလား၊ ဒါမှမဟုတ် ရွေးကောက်ပွဲကြောင့် စစ်ရေးအရှိန်တွေ ပြန်ပြင်းထန်မလးဆိုတာကိုတော့ စောင့်ကြည့်ရပါဦးမယ်။
‘စစ်ဆင်ရေး ၁၀၂၇’အတွင်း ရှမ်းမြောက်မှာ ဆုံးရှုံးထားတဲ့ နယ်မြေတွေ ပြန်ရနိုင်ဖို့ စစ်ကော်မ ရှင်ဟာ အပြင်းအထန် ထိုးစစ်ဆင်နေပါတယ်။ လက်ရှိမှာ TNLA သိမ်းထားတဲ့ နောင်ချို၊ ကျောက် မဲဲနဲ့ သီပေါမြို့တွေကို ပြန်သိမ်းပြီး လားရှိုးမြို့ကိုလည်း တရုတ်အကူအညီနဲ့ ပြန်ယူထားပါတယ်။ စစ်ကော်မရှင်က ပြန်သိမ်းနိုင်တဲ့ နယ်မြေပမာဏက နည်းသေးတယ်လို့ ဆိုနိုင်ပေမဲ့ နယ် စပ်ကုန်သွယ်ရေးအတွက် အရေးပါတဲ့ မြို့ပြဧရိယာတွေကို သိမ်းထားတာတော့ သတိပြုစရာ ဖြစ်ပါတယ်။
