တနင်္သာရီတိုင်းအတွင်း လက်နက်ကိုင်ပဋိပက္ခများ၌ တိုင်းရင်းသားလက်နက်ကိုင်ပူးပေါင်းတပ်ဖွဲ့များက စစ်ကောင်စီ၏ စစ်စခန်းပေါင်း ၃၀ ကျော်ကို သိမ်းယူခဲ့သည်။ ထိုင်း-မြန်မာနယ်စပ်ကုန်သွယ်ရေးစခန်းနှစ်ခုဖြစ်သည့် ထီးခီးနှင့် မောတောင်နယ်စပ်ဂိတ်များအနီးက တပ်စခန်းများလည်း ပါဝင်ခဲ့သည်။

မြန်မာနိုင်ငံအရှေ့တောင်ပိုင်းဒေသတွင် အဓိက EAOs ခုနစ်ဖွဲ့နှင့် PDFs တပ်ဖွဲ့ပေါင်း ၈၅ ဖွဲ့ထက်မနည်း ရှိသည်။ EAOs များမှာ ကရင်အမျိုးသားအစည်းအရုံး (KNU)၊ ကရင်အမျိုးသားအစည်းအရုံး/ကရင်အမျိုးသားလွတ်မြောက် ရေးတပ်မတော်-ငြိမ်းချမ်းရေးကောင်စီ(KNU/KNLA-PC)၊ ဒီမိုကရေစီအကျိုးပြုကရင်တပ်မတော် (DKBA)၊ မွန်ပြည်သစ်ပါတီ (NMSP)၊ ကရင်နီတပ်မတော် (KA)နှင့် ကရင်နီအမျိုးသားများကာကွယ်ရေးတပ်(KNDF)တို့ဖြစ်ပြီး ကော်သူးလေတပ်မတော်(KTLA)နှင့် စစ်ကောင်စီနယ်ခြားစောင့်တပ်(BGF) တို့လည်း ရှိနေသည်။

ကရင်အမျိုးသားအစည်းအရုံး (KNU) က သတ်မှတ်ထားသော တပ်မဟာနယ်မြေ ခုနစ်ခုရှိပြီး သက်ဆိုင်ရာခရိုင်အလိုက် စိုးမိုးလှုပ်ရှားကြသည်။ အာဏာသိမ်းမှုအလွန် ကရင်ပြည်နယ်အတွင်းဖြစ်ခဲ့သော လက်နက်ကိုင်ပဋိပက္ခအများစုမှာ KNU တပ်မဟာ-၅၊ ဖာပွန်ခရိုင်တွင် ဖြစ်ခဲ့သည်။

အမှတ်-၁ အာရှအဝေးပြေးလမ်းမ၊ မြဝတီ-ကော့ကရိတ်လမ်းပိုင်းကို ယခုတိုင် ပိတ်ထားသည်။ လမ်းပိတ်မှုကြောင့် မြန်မာ-ထိုင်းနယ်စပ်ကုန်သွယ်မှုတန်ဖိုးမှာ (၂၀၂၃ ခုနှစ်နှင့် ၂၀၂၄ ခုနှစ် ပထမခြောက်လတာကာလများကို နှိုင်းယှဉ်ချက်အရ) အမေရိကန်ဒေါ်လာ ၇၂၁ ဒသမ ၉၆ သန်းဝန်းကျင် လျော့ကျခဲ့သည်။

‘မန္တလေး-စစ်ကိုင်းငလျင်ကြီး’ နောက်ပိုင်း နိုင်ငံအနှံ့ စစ်ကောင်စီ၏ လေကြောင်းတိုက်ခိုက်မှု အကြိမ် ၇၄၁ ကြိမ်ထက်မနည်း ရှိခဲ့သည်။

၂၀၂၅ ခုနှစ် မေ ၁၂ ရက်နှင့် ၁၃ ရက်တွင် ဖြစ်ခဲ့သော စစ်ကိုင်းတိုင်း ဒီပဲယင်းမြို့နယ် အိုးတိန်တွင်းကျေးရွာ စာသင်ကျောင်းနှင့် ရခိုင်ပြည်နယ် ရသေ့တောင်မြို့နယ်ရှိ ထွန်းရဝေကျေးရွာတို့ကို စစ်ကောင်စီက ဗုံးကြဲတိုက်ခိုက်မှုဖြစ်စဥ်အပါအဝင် လေးနှစ်ကာလအတွင်း (အရပ်သား ၁၀ ဦးနှင့်အထက်) အစုလိုက်အပြုံလိုက်သေဆုံးခဲ့ရသည့် ဖြစ်စဉ်ပေါင်း …

MNDAA အဖွဲ့ သိမ်းပိုက်ထားသည့် လားရှိုးမြို့ကို စစ်ကောင်စီက ဧပြီနောက်ဆုံးပတ်အတွင်း ပြန်လည်ရယူခဲ့သော်လည်း ရှမ်းမြောက် မြန်မာ-တရုတ်နယ်စပ်ကုန်သွယ်ရေးအတွက် အရေးပါသောလမ်းကြောင်းများတွင် တိုင်းရင်းသားလက်နက်ကိုင်တပ်ဖွဲ့များက ဆက်လက်ထိန်းချုပ်ထားသည်။

စစ်ကောင်စီ၏ အခြေစိုက်စခန်းပေါင်း ၁၇၄ ခု*ထက်မနည်းကို တော်လှန်ရေးအင်အားစုများက သိမ်းယူထားသည်။ တိုင်းစစ်ဌာနချုပ် နှစ်ခုအပါအဝင် အခြေစိုက်တပ်စခန်းပေါင်း ၁၄၁ ခုထက်မနည်းကို စစ်ကောင်စီက လက်လွှတ်ခဲ့ရခြင်းဖြစ်သည်။

အာဏာသိမ်းမှုအလွန် နိုင်ငံတဝန်း မြို့နယ်ပေါင်း ၁၆၂ ခုထက်မနည်းတွင် စစ်ကောင်စီ၏ လေကြောင်းတိုက်ခိုက်မှုပေါင်း အကြိမ် ၈,၀၀၀ ကျော် ရှိခဲ့သည်။