အညာဟာ တော်လှန်ရေးကြာလာတာနဲ့အမျှ အပြောအဆိုခံ၊ အငြိုငြင်ခံလာရပါတယ်။ အငြိုငြင်ခံထိုက်လို့ ခံနေရတာလား၊ အညာသားတွေဟာ တော်လှန်ရေးအသုံးချ လုပ်စားနေကြတာလားဆိုတဲ့ မေးခွန်းတွေ တသီကြီး ထွက်လာပါလိမ့်မယ်။

အဆင့်အတန်းနိမ့်တဲ့ ဖော်ပြမှုတွေကို ကောင်းပါတယ်၊ တော်ပါတယ်၊ ရယ်ရပါတယ်လို့ ထင်နေသေးတဲ့သူတွေ ရှိသေးတာကိုလည်း မမေ့ပါနဲ့။ သူတို့ကို ရှုတ်ချအပြစ်တင်မဲ့အစား ကျမတို့အနေနဲ့ လက်လှမ်းမီသလောက် အသိပညာလည်း ပေးသင့်သလို တဖက်ကလည်း ဒီလို အရည်အသွေးနိမ့်တဲ့ ဖန်တီးမှုတွေ ရပ်တန့်အောင်လို့ ဝိုင်းဝန်း ကြိုးပမ်းကြရပါမယ်။