၂၀၂၂ ခုနှစ် ဇန်နဝါရီကနေ ဧပြီအထိ ပထမ လေးလပတ်အတွင်း ရေနံနှင့် သဘာ၀ ဓာတ်ငွေ့ ကဏ္ဍအပါအဝင် ကဏ္ဍ ခုနစ်ခုမှာ နိုင်ငံခြားရင်းနှီး မြှုပ်နှံမှု မဝင်ခဲ့ပါဘူး။ ISP-Myanmar ရဲ့ ဒီတပတ် မြင်ကွင်းကျယ် မှတ်စု အမှတ်-၂ မှာ နိုင်ငံခြား ရင်းနှီးမြှုပ်နှံမှုနဲ့ ပတ်သက်တဲ့ အချက်အလက်တွေကို အခြေပြု ဆန်းစစ် ဖော်ပြထားပါတယ်။
ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာ ကိစ္စရပ်တွေ၊ တရုတ်အရေး လေ့လာမှုနဲ့ နိုင်ငံရေး ဘောဂဗေဒ ဆိုင်ရာစတဲ့ အကြောင်းချင်းရာတွေ ပါဝင်မယ့် မြန်မာ့အရေး မြင်ကွင်းကျယ် မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်း ကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန(VOA Burmese) က အပတ်စဉ် အင်္ဂါနေ့တိုင်း ထုတ်လွှင့်နေပါတယ်။