မြင်ကွင်းကျယ်မှတ်စုများ | အမှတ် (၄၃)
ယခုဘဏ္ဍာနှစ် ရှစ်လအတွင်း မြန်မာ-တရုတ် ကုန်သွယ်မှုတန်ဖိုးဟာ နှစ်နိုင်ငံထုတ်ပြန်ချက်များကို နှိုင်းယှဥ်လေ့လာကြည့်ရင် အမေရိကန်ဒေါ်လာ ၁၁ ဘီလီယံကျော် ကွာဟခဲ့တာကို တွေ့ရပါတယ်။ ISP-Myanmar ရဲ့ ဒီတပတ် မြင်ကွင်းကျယ်မှတ်စုမှာ စစ်အာဏာသိမ်းမှုအလွန် မြန်မာ-တရုတ်ကုန်သွယ်ရေးအခြေအနေတွေကို အချက်အလက်အခြေပြု ပိုင်းခြားဖော်ပြထားပါတယ်။
ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ် မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။
